محمد صبحي يدعو لمبادرة تناشد العرب المقيمين في أمريكا وأوروبا لمقاطعة المنتجات الداعمة لإسرائيل

تحدث الفنان محمد صبحي عن أمريكا وحثها على وجود الفلسطينيين في سيناء، هذا إلى جانب تعبيره عن رأيه في مقاطعة المنتجات الأجنبية.

وقال محمد صبحي في تصريحات تليفزيونية: مصر عمرها ما عملت مخيمات، وبدل ما أمريكا بتدافع عن الوحش الكاسر إسرائيل ما تاخدهم عندها ليه تقترح سيناء، ودخول سيناء هو تلخيص للقضية وتخليص على مصر.

تصريحات محمد صبحي عن مقاطعة المنتجات الأجنبية

وعن مقاطعة المنتجات الأجنبية، أضاف محمد صبحي: ممكن نعمل مبادرة للناس اللي عايشين بره في أمريكا وأوروبا يعملوا مقاطعة لمنتجات الشركات الداعمة لإسرائيل اللي هناك هتقع، وهتبقى ضرتهم بجد، لكن هنا أنت مضرتهمش، والقوة الإسرائيلية مرعبة.

محمد صبحي: دول العالم اتفقوا أن إسرائيل مظلومة.. وستقام دولة فلسطين لو اتوحد الفلسطينيون

واستكمل صبحي حديثه: إحنا دايما بنخلط بين اليهودية كدين والصهيونية، والصهيونية ده تخطيط زي الشيوعية والماسونية، والصهيونية حركة بيتاجروا بالدين اليهودي، ولكن اليهود ليهم في العالم مفكرين وأدباء، وأنا عندي تفاؤل بربنا.

الفنان محمد صبحي

وواصل صبحي: إحنا 105 ملايين لازم نسأل نفسنا لغاية أمتى هنتكاثر لو عدد اللي بيتعلم ويتربي كتير كل ما هيطلعوا ناس كويسة، ولكن للأسف جزء من الشعب مش بيتربى ولا بيتعلموا محتاجين نتكلم في الإعلام، والمشكلة الكبرى لوطني هي عدد السكان.

واختتم صبحي حديثه: انتو عارفين يعني أيه دول العالم تتفق أن إسرائيل مظلومة بكل بجاحة وقسوة.. وأنا مش محترم كمصري أسمع الكلام ده إزاي بنتحمل نقعد معاهم وهما بيقولوا كده.. علنا بيقولوا أنهم بيدافعوا عن إسرائيل شيء مهين جدًا، وستقام دولة فلسطين لو اتوحد الفلسطينيون مش العرب فقط.