ميدو عن بيان الهلال: ”خايب وملوش لازمة.. ومصر كلها عايزة الأهلي يكسب””
علق أحمد حسام ميدو نجم الكرة المصرية السابق على بيان نادي الهلال السوداني بشأن مخاطبة كاف بسبب تهديدات جمهور الأهلي.
قال ميدو في تصريحاته تلفزيونية: "رسالة خاصة للإخوة في السودان بعد بيان نادي الهلال، أؤكد أن مصر كلها عايزة الأهلي يكسب الهلال".
وأضاف: "بيان الهلال ميصحش إنه يطلع من إدارة الهلال السوداني، والتعليقات اللي موجودة دي مين قالكوا إنها من جمهور الأهلي ممكن تكون من حسابات مزيفة".
اختتم: "مصر فاتحة بابها للجميع دون أي حدود، هي البلد العربية الوحيدة، اللي فاتحها بابها للجميع، ومصر هتفضل دايما محتضنة كل من يلجأ إليها، ومفيش واحد من الإخوة السودانيين اللي عايشين في مصر، بيحس إنه عايش برا بلده، بيان الهلال بيان خايب وملوش أي لازمة وفرقة الهلال هتُعامل أحسن معاملة في القاهرة، ومحدش هيتعرض للبعثة بأي شئ".
