ميدو: الشناوي محتاج حارس وراه.. وعلي معلول مكانش شايف

أوضح أحمد حسام ميدو نجم الكرة المصرية السابق، أن محمد الشناوي حارس الأهلي يحتاج إلى حارس آخر على دكة البدلاء وحارس قوي، من أجل عدم ضمان محمد الشناوي لمكانه في التشكيل الأساسي في الأهلي.

تصريحات أحمد حسام ميدو

وقال ميدو في تصريحات تلفزيونية: الشناوي محتاج حارس معاه على دكة البدلاء وحارس قوي يخوفه ويخليه خايف على مكانه.

وأضاف ميدو: أي حد بيقول إن الأهلي مش محتاج حارس بيجامل، قولا واحدا، الشناوي يتحمل مسؤولية هدفين في مباراة الأهلي وصن داونز، والشناوي كان واقف غلط تماما، ويتحمل مسؤولية هدفين، وقائمة الأهلي محتاجة تدعيمات تانية.

وكشف أحمد حسام ميدو، سبب تراجع مستوى علي معلول لاعب الأهلي في مواجهة صن داونز، قائلًا: علي معلول مكانش شايف في ماتش صن داونز، وده بسبب الإجهاد وبسبب إنه ملوش بديل، لعب ماتش المقاولين وسافر، وخاض مباراة صن داونز الساعة 3 عصرا بتوقيت القاهرة.

وأكمل نجم الكرة المصرية السابق: كنت متوقع مستوى علي معلول ومفيش بديل لمعلول في الأهلي وهذا يعكس مستوى القائمة الحالية للفريق.

واختتم أحمد حسام ميدو: ده لو روبرتو كارلوس مش هيبقى كويس، بسبب الإجهاد والدفع بيه في ماتش المقاولين والسفر، العيب مش في اتحاد الكرة ولا الاتحاد هيفصل دوري مخصوص للفرق المشاركة في إفريقيا إنت لازم يكون عندك سياسة تدوير.