محمد بركات يحذر لاعبي الأهلي قبل مواجهة القطن: بلاش حد يستسهل الماتش

وجه محمد بركات رسالة خاصة للاعبي النادي الأهلي، قبل مواجهة القطن الكاميروني في دور المجموعات من دوري أبطال إفريقيا هذا الموسم.

تصريحات محمد بركات

وقال محمد بركات في تصريحات تليفزيونية: الأهلي بمن حضر دائما، والأهلي يواجه إصابات عديدة قبل مواجهة القطن ولكن يبقى الأهلي دائما بقائمته المميزة لديه لاعبون مميزون ويبقى الأهلي بمن حضر.

وأضاف نجم الكرة المصرية السابق: مينفعش لعيبة الأهلي تستسهل ماتش القطن، والموقف مش مستحمل، خاصة بعد الخسارة من الهلال والتعادل مع صن داونز.

وواصل محمد بركات: لازم لعيبة الأهلي تكون مركزة في حسم المباراة أمام القطن ومينفعش الأهلي يدي فرصة للقطن، إنه يدخل الماتش.

واختتم محمد بركات: نتيجة مباراة الأهلي وصن داونز في جنوب إفريقيا، مش مضمونة، والنادي الأهلي في قمة تركيزه وبيلعب الكورة بتاعته يكسب أي حد، لكن مباراته ضد صن داونز مش مضمونة.

وفي وقت سابق، علق محمد بركات عضو اتحاد الكرة على تراجع مستوى سيف الجزيري لاعب الفريق الأول لكرة القدم بنادي الزمالك، قائلًا: إن سيف الجزيري لازم يساعد نفسه، آخر 14 ماتش في الدوري مسجل في مباراة واحدة بس.

وأضاف محمد بركات في تصريحات تليفزيونية: لازم سيف الجزيري يرجع لمستواه، والجزيري قبل ما يروح كأس العالم حاجة وبعد ما جه حاجة تانية.

وواصل: لازم تراجع مستوى الجزيري نعرف سببه، ولازم تركيزه يرجع تاني، وبعد تراجع مستوى الجزيري إيه المانع لما تدي الفرصة لناصر منسي، ممكن تحمي سيف الجزيري عشان فيه ضغوط عليه سواء من المسؤولين في الزمالك أو الجمهور، ممكن تريحه أو ترفع الضغط عنه، وانتقد محمد بركات نتائج الفريق الأول لكرة القدم بنادي الزمالك، في عام 2023.