دعوات لمقاطعة ومبي بسبب عدم توفير جواكت للعمالة في البرد

انتشر موجه من الغضب على مواقع التواصل الاجتماعي بعد نشر أحد مستخدمي على صفحته الشخصية بوست يحكي فيه موقف، مر به خلال يومه، وتالي كان يعبر فيه عن مدى استيائه من تعامل العلامه التجارية ومبي ايجيبت مع موظفيها في البرد وعدم توفير جواكت لهم، والذي لحقه موجه من الغضب تطالب بمقاطعة العلامة التجارية ومبي مصر.

الموقف الذي تعرض له الشاب

قال محمد خالد على صفحته الشخصيه على فيسبوك: كنت راجع بليل بعد ١٢، و ماتغدتش طول اليوم، فا مش قادر أقف في زحمة ال drive thru، و عايز أنجز فا ركنت، وشيلت هم إني انزل في البرد دقيقتين، عشان اطلب اوردر.

البوست

وتابع: المهم نزلت وطلب الأودر وبحاسب الراجل لقيته بيرتعش!..ركزت لقيته لابس T-Shirt بس!… وخفيف جدًا. يا ريته تقيل حتي!..مردتش احرجه واقوله معندكش جاكت في البرد ده؟ ببص لقيت كل الموظفين مش لابسين غير tshirts بس.. فا لما سألت لقيتهم بيقولوا إن الشركة مش بتوفر jackets، او حتي مسموح ليهم يلبسوا جاكت او كوفيه او اي حاجه تقيله فوق الuniform (الT-Shirt).

وأضاف معبر عن غضبه: موقف زي ده كان ممكن يبقي مقبول لو في فرع عادي او في مول، إنما الفرع في وسط الفضي وسط الثلج ومفيش شباك مقفول حتي، وفي فروع زيه كتير وسط الصحراء في التجمع.

و أشار: انا حقيقي مكنتش مستحمل أقف دقيقتين اطلب اوردر، فا ما بال الناس اللي واقفه كده اكتر من ٨ ساعات كل يوم؟

و أضاف: توضيح الموظف اللي كان بيرتعش من البرد، قال إنه معندوش مشكلة يثلج في البرد طول اليوم عشان اكل عيشه، بس نفسه في exception لإنه يلبس جاكت علي الفجر (الساعة ٣)!…"من لا يرحم لا يُرحم".

دعوات بمقاطعة ومبي

وبعد نشره هذا البوست انهالت موجه من التعليقات علىه، والتي تطالب معظمها بمقاطعه العلامة التجارية ومبي بسبب الإستهتار في التعامل مع العالمين بها، وعدم توفير الإمكانيات والمناخ المناسب للعمل.