شهيرة عن مقارنة عمل الفنانين بالموظفين: هناك فرق.. والفنان إنسان موهوب لكن الموظف قاعد على مكتب

علقت الفنانة شهيرة على فكرة المقارنة بين عمل الفنان والموظف، مؤكدة أن هناك فرقًا بينهما تحت أي ظرف، خاصة وأن الممثل يتمتع بموهبة هي ما جعتله يدخل الوسط الفني، ولولا هذه الموهبة لن يتمكن من العمل به، على عكس الموظف.

وقالت شهيرة، في تصريح خاص لـ القاهرة 24: موظفين إيه وإزاى يعني إنسان موهوب عنده موهبة ربنا إدهاله والناس كلها بتقف وتتفرج عليه وبتتعلمي منى ومن الحاجة اللي أنا بديهالك من خلال الدراما أو بتنبسطي، إنما الموظف قاعد على مكتب بيكتبله كلمتين ويروح، إيه المقارنة الغريبة دي؟! لأ طبعًا هناك فرق بتتكلموا إزاي.

شهيرة تعلق على جدل تقديم الشيخ الشعراوي في عمل مسرحي

ومن جهة أخرى، علقت شهيرة على الجدل الذي أُثير مؤخرًا بسبب تقديم الشيخ الشعراوي في عمل مسرحي، وقالت في تصريحاتها: طب وماله إيه العيب في كده الناس اللي بتعترض خلاص كل واحد ودماغه، الشعراوي ده علامة لن تعوض، ممكن تكون ليه أفكار متزمتة شوية، لكن مش معنى كده إن إحنا نقضي على كل العلم اللي علمه لينا، يكفي تفسيره للقرآن، ونظرته البعيدة للتفسير بين سطور الآيات.. الشعراوي لن يتكرر.

وأكدت أن زوجها الفنان الراحل محمود ياسين كان عاشقًا للشيخ الشعراوي وكان يحرص على مشاهدة برنامجه الشهير لتفسير القرآن الكريم، موضحة: ممكن لو كان عايش في وقت ما يغير طريقة تفكيره في حاجة وده ميمنعش إنه شيخ عظيم وخط أحمر بالنسبالي، محمود ياسين بيعشقه وكان حريصا جدًا على إنه يتابع برنامج تفسير القرآن كنا حريصين عليه جدًا أنا ومحمود.