عماد زيادة: مي عمر بطلة فرضت نفسها على الساحة باجتهادها ودعم محمد سامي… فيديو

تحدث الفنان عماد زيادة عن الفنانة مي عمر التي شاركها التمثيل في أكثر من عمل درامي، مشيرًا إلى أنها فرضت نفسها كبطلة على الرغم من كم الانتقادات التي تتعرض لها.

وقال عماد زيادة خلال ندوته بالقاهرة 24: مفيش حاجة عافية ولا عضلات، ومي جات لها الظروف وبقت بطلة وفرضت نفسها على الساحة باجتهادها ودعم محمد سامي، لحد ما أثبتت إنها ممثلة شاطرة تستحق تكون بطلة.

وأضاف عماد زيادة: هي عرفت تعمل اللي غيرها معرفش يعمله، والحكاية كلها عرض وطلب، والنهاردة مي عمر نجمة وبيتعملها مسلسلات، والموضوع مش بالأقدمية.

وسبق وعلق عماد زيادة على إظهاره لـ سياراته الفارهة في مسلسل نعمة الأفوكاتو، مشيرا إلى أنه لا يخاف من الحسد لأنه يتوكل على الله فقط.

وقال زيادة: الرزق مقدر بـ إيد ربنا وكلنا بنشتغل، عشان كده عمري ما بستعرض بفلوسي لأن ده مش مني ده رزق ربنا، وبستعرض بأخلاقي، ووالدي كان بيقولي كده، وممكن يكون شخص معاه فلوس لكن معندوش قبول عند الناس.

أعمال عماد زيادة

يذكر أن عماد زيادة شارك في موسم رمضان الماضي 2024 بمسلسل نعمة الأفوكاتو، بطولة الفنانة مي عمر، والفنان أحمد زاهر، أروى جودة، عماد زيادة، لبنى ونس، كمال أبو رية، وغيرهم، والعمل من إخراج محمد سامي.