أسامة كمال يوجه نصيحة لوزيرة خارجية ألمانيا ويطالب سفارة برلين في القاهرة بترجمتها

وجه الإعلامي أسامة كمال نصيحة لوزيرة الخارجية الألمانية انالينا بيربوك، بعد تصريحاتها في المؤتمر الصحفي الذي عقد اليوم بالقاهرة بمشاركة وزير الخارجية المصري سامح شكري حول الأوضاع في غزة، وتأكيدها على أن ألمانيا تدعم إسرائيل لأنها تعرضت لهجوم إرهابي في 7 أكتوبر، مشددًا على أنها بذلك تردد كل الأكاذيب التي يرددها الإعلام الغربي.

ما تضحكيش العالم عليكي

قال "كمال" خلال حلقة اليوم من برنامج "مساء dmc" على قناة "dmc": "ماتضحكيش العالم عليكي بكلامك الأجوف يا بيربوك، وماتخليش التاريخ يكتب إن ألمانيا كان فيها وزيرة خارجية – واحد ست – مش شايفة النساء بيتقتلوا ويتسحلوا ويموتوا وهم بيحاولوا يحموا أطفالهم من قنبلة هنا وصاروخ هناك".

Advertisements

تابع "كمال" موجها حديثه لوزيرة الخارجية الألمانية: “لما ترجعي بلدك وبناتك الاتنين يسألوكي عملتي إيه يا ماما؟ فهتردي تقولي إيه؟ دافعت عن القاتل وأدنت المقتول؟ لما زمايل البنتين في المدرسة هيسألوهم ماما جابت لكم ايه معاها؟ هيردوا يقولوا إيه؟ دم أطفال وطوبة من بيت مهدوم؟ صورة مدرسة مابقتش موجودة ولا مستشفى بقت خراب؟”.

اختتم "كمال" تصريحاته الموجهة لوزيرة الخارجية الألمانية قائلا: "بلاش انتهازية، أنت أعقل من كدة. الحرب هتوسع يعني هتوسع والدمار اللي هيصيب العالم مش بس هيكون الـ23 ألف شهيد؛ و60 ألف مصاب، لسة التقيل جاي".

طالب أسامة كمال السفارة الألمانية بالقاهرة بأن تترجم هذه الرسالة وترسلها لوزيرة الخارجية الألمانية، التي من المفترض أنها منتمية لحزب الخضر الذي يدعي أنه يخاف على مستقبل الكوكب من التلوث، لكنه لا يخاف على الكوكب من شوية مجانين متطرفين عايزين يدمروه عشان عايزين الأرماجيدون ونهاية العالم تبقى النهاردة مش بكرة".

و