حط إيده على التاتو في مكان حساس.. تفاصيل اتهام طبيب طوارئ شهير بالتعدي على البلوجر آية الزيني

زعمت البلوجر آية الزيني أنها توجهت إلى مستشفى 6 أكتوبر الجامعي مع صديق لها، لمعاناتها من آلالم شديدة في بطنها، في نحو الخامسة والنصف فجرا وهناك دخلوا إلى قسم الطوارئ حيث وجدت الطبيب المتهم ويعمل نائب الطوارئ ويدعي ع. ا، شرحت له ما تعاني منه وطلب من صديقها الخروج لحين الانتهاء من الكشف وعندما استلقت على السرير أثناء الكشف عليها لامس أجزاء حساسة من جسدها.

البلوجر آية الزيني تتهم طبيب طوارئ شهير

البلوجر آية الزيني

وقفت ايه محمود الزيني أمام جهات التحقيق تروي ما حدث لها على يد طبيب الطوارئ أثناء الكشف عليها، قائله:"اللي حصل ان انهارده الاثنين 2023/116 حوالي الساعة 5 الفجر حسيت بآلم شديد في بطني فكلمت أختي عشان تيجي تساعدني قالتلي أنها في المنصورة، ومش هتلحق تيجي دلوقتي وقالتلي أخد مسكن، فاخدت مسكن بس ماجبش نتيجة بس الألم كان بيزيد.

 

وأضافت:" فكلمت صاحبي يوسف عشان هو ساكن في زايد قريب مني وقلتله أني تعبانة وحاسه بالم في بطني فقالي ان هو هيعدي عليا ياخدني ونروح المستشفى وفعلا عدي عليا بعربيته واخدني علي مستشفي 6 أكتوبر الجامعي اللي في الحي السابع في أكتوبر ووصلنا هناك وكانت الساعة حوالي 5:30 الفجر، ودخلنا من باب الطوارئ اللي علي الطريق ولما دخلنا الاستقبال، لاقينا ممرض قاعد علي مكتب فاشرحتله حالتي وبعدين جه الدكتور اللي اسمه عبدالوهاب وقالي نامي علي السرير فانمت علي السرير، وكان لسه فاتح الستارة اللي حوالين السرير وكان يوسف واقف فلاقيت الدكتور بيقول ليوسف مش هينفع تقف هنا واستني بره.

 

واكملت: فايوسف قاله ليه فقاله عشان عايز يسألني أسأله معينة مينفش يسمعها وبعدين لاقيت الدكتور سألني عن يوسف اذا كان خطيبي أو جوزي فاقولتله لا هو مش جوزي ولا خطيبي فا أنا رحت قلت ليوسف طب خلاص خليك بره لغاية لما أخلص وفعلا يوسف طلع وقف بره قدام باب الطوارئ، وبعدين راح الدكتور قفل علينا الستارة بتاعت السرير وبدء يكشف بايده علي بطني من فوق التيشيرت، وبعدين سألني ان ممكن الألم ده يكون من الزايدة فاقلتله انا عاملة عمليةالزايدة من كذا سنة.

 

وتابعت البلوجر آية الزيني: "لاقيته بيقولي طب وريني كدة وراح رافع التي شيرت بتاعي لحد فوق معدتي، وكانت بطني بس اللي باينة وبعدين شاف التاتو اللي أنا عملاه مطرح عملية الزايدة وبدأ يضغط على منطقة التاتو وحاول يحسر ملابسي فقولتله استنى انت بتعمل إيه الخياطة آخرها هنا ملكش دعوة بالتاتو.