ماجدة خير الله: ياسمين صبري لا تملك موهبة التمثيل ومحاولاتها لتبدو عميقة تتحول إلى مسخرة

على مدار الأيام الماضية كانت النجمة ياسمين صبري تحتل التريندات العريية عقب ظهورها الإعلامى الأخير ببرنامج الحكاية مع عمرو أديب.. والتى تحدثت خلاله وأدلت ببعض التصريحات التى رأها البعض مضحكة وفلسفية بلا جدوى..

الناقدة ماجدة خير الله

وفى هذا الشأن قالت الناقدة الكبيرة ماجدة خير الله: "ياسمين صبري.. سيدة جميلة ليس في ذلك شك، ولكنها لا تملك موهبة التمثيل، ومعظم التجارب التي ظهرت فيها لم تخدمها".

وتابعت “خير الله” عبر حسابها الشخصي بموقع “فيسبوك”: "مشكلتها أن الناس تتعامل معها بوصفها امرأة جميلة فقط، وهي تحاول أن تبدو عميقة، فيتحول الأمر إلى مسخرة، تاريخ السينما مر عليه جميلات وفاتنات من كل لون، ولكن البساطة والموهبة أهم كثيرا وأبقى من الجمال، لو عايزة تكمل في التمثيل يبقي لازم تبذل جهدا مضاعفا، ربما تحقق شيئا ما في هذا المجال".

النجمة ياسمين صبري

وكانت صرحت ياسمين صبري قالت خلال لقائها ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: "الواحد لازم يتغير من جواه ومن برة والإنسان اللي يفضل على حاله ده لازم نقلق عليه، وأنا أصلا بحب السفر، وبعمل حاجات لمجلات عالمية، واحتكيت بمواقف كتير وجنسيات مختلفة وأمور خلتني إنسانة مرنة أكتر، والمرونة بتخلينا نقدر نتعامل مع كل الظروف، والواحد لما يبقى نفسيا عقله ماشي في حتة واحد بيعاني، وبيدخل في صدامات، وبيكون أعداء وده اللي مخلي جزء من الحاجة اللي بتطورني مرونتي، وأنا بشتغل على نفسي كل يوم، ولما باجي أتغدى باكون باكل لوحدي مش بتفرج على التليفزيون، باتفرج على محاضرة في علم النفس وأنا بستمتع بده، ومش بعمله وأنا مغصوبة ولكن بروح لده، وأنا نفسي عطشانة وبطلب المزيد علشان أطور ذاتي طول الوقت".

وتابعت: "بشوف تعليقات هي بتصرف كل الفلوس دي ليه على اللبس، أنا مش بصرف جنيه، لما الإنسان بيكون واجهة علامات تجارية بتبقى عايزاني أمثلها، وأنا بعمل إعلان بطريقة غير مباشرة، فضل ونعمة ربنا إنه أنعم عليا بالشكل اللي خلاني أكون واجهة، وكملت عليه باللبس وبالاستايل وأنا شخصيا بحب الجمال"، ليعقب عمرو أديب: "إطلالتك بتبهرني.. إنتي إتغيرتي وبقيتي حلوة وإنتي مشرفة بالنسبة لنا".

ولفتت: "أنا ممكن أقعد 18 ساعة تصوير علشان أطلع إعلان لمدة ثواني، إحنا بنتعب أوي في تصوير الإعلانات وأنا بحب على طول أنجز أشياء وأحقق نجاحات، والممثل والشخصية العامة ممكن يستخدم نفسه بطرق أكتر بكتير من إنه يكون بس ممثل لازم يبقى براند".