أحمد أمين مريح نفسيا.. طه دسوقى يكشف سر نجاح دوره فى ”الصفارة”.. فيديو

"كنت مرعوب فى البداية من فكرة التشخيص لكذا شخصية فى "الصفارة"، عشان ما يبقاش فى شبه بين الشخصيات"، بهذه الكلمات كشف الفنان طه دسوقى عن كواليس دوره بمسلسل الصفارة خلال حواره ببرنامج "صاحبة السعادة" مع الإعلامية إسعاد يونس.

وأكد دسوقى، أن العمل مع المخرج علاء إسماعيل والنجم أحمد أمين مريح نفسيا فى القبول والرفض والمناقشة والمساحة آمنة للشغل

وصرح بأن مشاركته فى "الصفارة" جاءت فى وقتها ورسالة من الله قائلا: "لم أكن الترشيح الأول للدور وكان أحمد الغندور "الدحيح" واعتذر وأحمد أمين كان عايز يدينى فرصة وكنت أنا الترشيح الثانى".

وعن دراسته بالجامعة قال طه دسوقى: دخلت كلية الحقوق وكنت لسه شايف فيلم ملاكى إسكندرية وكنت معجب بدور أحمد عز ودى حقيقة أنا ما كنتش عارف وقتها عايز أعمل إيه لكن كنت عايز أتكلم واقنع الناس بآرائى وكان الأقرب المحاماة".

وأضاف طه: "أنا نجحت دراسيا فى كلية حقوق بس فشلت بعد كده عشان القوانين وكنت بحفظ القوانين اللى تنجحنى بس".