رانيا محمود ياسين: والدي وزوجي محمد رياض مثاليين بزيادة والاتنين كانوا بيخجلوا يرشحوني في أعمالهم

كشفت رانيا محمود ياسين، الصفات المشتركة بين والدها الراحل وزوجها الفنان محمد رياض، إلى جانب حديثها عن سبب رفض والدها مشاركتها في مسلسل العصيان.

وقالت رانيا محمود ياسين في لقاءها ببرنامج الستات ما يعرفوش يكدبوا: الاتنين طيبين أوي وبزيادة ومثاليين والاتنين عندهم عدل، لكن الدنيا مش عاوزة المثالية الزيادة دي، والاتنين كانوا بيخلجوا ييجبوني في أعمال معاهم، فمثلا محمد كان يخجل أنه يرشحني ونفسي الشيء أبويا معايا ومع أمي.

والدي كان رافض مشاركتي في مسلسل العصيان

وتابعت رانيا محمود ياسين: لما اشتركت في مسلسل العصيان الناس كانت فاكرة أن والدي اللي رشحني، ولكن العكس والدي كان رافض والراحل أحمد السبعاوي كلمني من ورا والدي ورشحني ووالدي ما كانش موافق وقال لي دور هيلزق فيكي العمر كله وهيفتروكي شريرة، وفعلا قعد في شخصية ناهد سنين والناس يفتكروني أني ناهد الغرباوي ويكلموني على أساس أني ناهد الغرباوي الشريرة، والناس كرهتني وكنت بصبر نفسي بأني أكيد نجحت فيها علشان كده الناس صدقتها، وللأسف ما كنتش مصدقة والدي وكنت شايفة أنه مانعني من حاجة عاجباني وعملت الدور وبعتوا لي الورق من وراه.

على جانب آخر، كشفت رانيا محمود ياسين أنه تحضر لعمل مسرحي وعمل درامي خلال الفترة المقبلة، فيما يعد مسلسل انحراف آخر عمل شاركت فيه والذي عرض في رمضان 2022، ومن بطولة روجينا، إلى جانب كل من أحمد صفوت، سميحة أيوب، لوسي، أحمد فؤاد سليم، محمد لطفي، وعدد آخر من الفنانين، والعمل من تأليف مصطفى شهيب وإخراج رؤوف عبد العزيز.