أحمد شيبة عن حالة والدته الصحية: أمي بين إيدين ربنا.. ومش هعرف أعيش من غيرها… خاص
كشف الفنان أحمد شيبة، تطورات الحالة الصحية لوالدته، بعد تعرضها لوعكة صحية شديدة نقلت على إثرها إلى المستشفى.
وقال أحمد شيبة، في تصريح لـ القاهرة 24: أمي بين إيدين ربنا ومحجوزة في مستشفى بالإسكندرية.. يا ريت الجمهور يدعيلها.
وتابع أحمد شيبة: كل الكرم اللي ربنا رزقه ليا بسبب أمي ورضاها، فيارب مشوفش فيها أي حاجة وحشة من غيرها مش هعرف أعيش.
ومن جانبه، طالب نجل شيبة في فيديو له، عبر صفحته الرسمية بموقع التواصل الاجتماعي فيسبوك، الدعاء لجدته، حيث قال: أنا طالب من إخواتى اللى بيحبوا ستى يدعولها إنها تقوم بالسلامة علشان حالتها حرجة جدًا، والدكاترة في المستشفى مش أحسن حاجة اللى هما بيقولهولنا.
وتابع نجل شيبة: بطلب من كل الناس اللي بتحبها ومن كل الناس اللى انبسطت من فيديوهاتها، ومن كل الناس اللي حسوا أنها أمهم أو ستهم يدعولها تقوم بالسلامة لعل وعسى حد فيكوا باب السما مفتوح ربنا يتقبل الدعوة منه.
على جانب آخر، حققت أغنية أنا من مصر، للفنان أحمد شيبة، نجاح واسع من الجمهور منذ طرحها على موقع الفيديوهات الشهير يوتيوب.
كلمات أغنية أنا من مصر - بكل فخر أنا ليا ضهر
وجاءت كلمات الأغنية كالتالي: بكل فخر أنا ليا ضهر عايش تملّي بحسها لفيت بلاد بجواز سفر عليه شعارها واسمها أنا من البلد اللي عايشة برحمة الرحمن، كل فخر أنا ليا ضهر عايش تملي بحسها لفيت بلاد بجواز سفر عليه شعارها واسمها أنا من البلد دي اللي عايشة برحمة الرحمن في بلدنا مسجد وكنيسة ومجمع أديان أنا من مصر أنا من البلد اللي رغم ظروفها ما بتخضعش.
