أحمد شيبة لـ”اليوم السابع”: ”أمى الخير كله واللى بيحبنى يدعو لها بالشفاء”
يرافق الفنان أحمد شيبة، والدته المحتجزة بأحد مستشفيات الإسكندرية، بعد تعرضها لوعكة صحية شديدة، وقال فى تصريحه لـ"اليوم السابع": اللى يحبنى يدعى لأمى، هيا بالنسبة هي الخير والسعد كله، يا ريت تدعوها لها من قلبكم ربنا يشفيها ويعافيها".
وطالب نجل شيبة في فيديو له، الجمهور بالدعاء لجدته وقال: "أنا طالب من إخواتى اللى بيحبوا ستى يدعولها إنها تقوم بالسلامة علشان حالتها حرجة جدًا والدكاترة في المستشفى مش أحسن حاجة اللى هما بيقولهولنا، أنا طالب من كل الناس اللى بتحبها ومن كل الناس اللى انبسطت من فيديوهاتها ومن كل الناس اللى حسوا أنها أمهم أو ستهم أن يدعولها تقوم بالسلامة لعل وعسى حد فيكوا باب السما مفتوح ربنا يتقبل الدعوة منه"
وكان أحمد شيبة قد نشر صورة تجمعه مع والدته الأسبوع الماضى على صفحته الشخصية بموقع فيس بوك وكتب:" ربنا يتم شفاكي على خير يا أمي يارب".
المطرب الشعبي أحمد شيبة، قدم مؤخرا أغنية "اللي من دمك"، بمشاركة المطرب عبد الباسط حمودة، و الفنان محمد هنيدي، وعرضت ضمن أحداث فيلم "مرعي البريمو" للنجم محمد هنيدى والذى يعرض حالياً في السينمات.
وأحيا أحمد شيبة حفلاً غنائياً بمشاركة المطرب حمادة مجدى، بأحد الشواطئ السياحية بالساحل الشمالى الأسبوع الماضى، وقدم كل منهما باقة من أغانيهما التى اشتهرا بها منها "اه لو لعبت يا زهر وانا مش فاضيلكو وبسكوتاية والفرح فرحنا ادينى قلبك وضيعنا" وغيرها من الأغانى.
