هاني تمام: بخل الزوج أسوأ خلق إنساني… فيديو

قال الدكتور هاني تمام أستاذ الفقه بـ جامعة الأزهر، إن مقولة - كل خاطب كاذب -، تكشف حال كل المخطوبين من تجمل طرف أمام الآخر، ويظهر أفضل ما عنده، لكن لابد من كل طرف أن يضع اختبارا لكشف الحقيقة.

وأضاف أستاذ الفقه جامعة الأزهر، خلال حواره تلفزيوني: نشوف الشخصية اللى أمامنا عاملة إزاي لو اتعصب هل بيضرب أو بيشتم، هل هو بخيل وده أسوأ صفة فى الإنسان، وده هينعكس على الزوجة في كل حياتها.

واستكمل: طبعا ممكن نلاقي كذب، مفيش مشكلة عشان نجمل نفسنا، لكن في عيوب تحتاج من كل طرف أن يكون عنده حصافة فى كشف عيوب الآخر وهل له القدرة على العيش مع هذا الشخص بهذه العيوب أم لا يستطيع، وعلينا كمان أن نستخير ربنا، ولو الخطوبة لم تستمر نتيجة بعض العيوب فده يعلمنا.

لا يجوز زواج البنت دون ولي

وتابع: لكل مقبل على الزواج عليه اتباع منهج سيدنا محمد صلى الله عليه وسلم، وهو الدين والخلق، لافتا إلى أن كل طرف لابد أن يقتنع أن هذين الشيئين متوفرين في من أريد الارتباط به، لافتا إلى أنه: لازم البنت تختار من يتحمل المسئولية، وكمان لا يجوز إن البنت تتزوج بدون أهلها، فلا نكاح دون ولي، لو أهلك رافضين لازم تعرفي إن الخير اللي شايفه أهلك، طيب لو الأهل راضيين والبنت رافضة، يبقى خلاص الشرع يدعم حقها ويمنع إجبارها على الزواج من شخص ترفضه.