حنان شوقي تنصح الزوجات: عاملي جوزك زي ابنك حميه وقصي ضوافره ولبسيه وحطيله برفان

فاجأت الفنانة حنان شوقي جمهورها ومتابعيها بسلسلة من التصريحات، التي أشعلت حالة واسعة من الجدل، بين مؤيد ومعارض، على مواقع التواصل الاجتماعي

وفي حوارها ببرنامج «قعدة ستات»، الذي تقدمه الإعلامية مروة صبري، عبر قناة «القاهرة اليوم» قالت حنان شوقي: 'الحكاية بين الراجل والست حرب، ودي بعيدة كل البعد عن الحب الحقيقي، وأنا يا ريت أبقى في قصة حب'.

 

الست بـ100 راجل

 

وتابعت: 'الست بـ100 راجل، ولازم تعامل جوزها زي ابنها تحميه، وتلبسه وتحطله برفان وتقص ضوافره، وتلمع له حذاؤه وتلبسه الشراب، وهو يعمل لها كدا برضه، فالحبيب الزوج دا بيبقى ابني وصديقي وأخويا وأبويا وأمي وصاحبي، وكل حاجة في حياتي، فأنا بفصل في تعاملاتي، ولما بحب بعمل كدا'.

 

علاقة حنان شوقي بوالدها

 

وتحدثت عن علاقتها بوالدها قائلة: 'بابا كان صاحبي من وأنا صغيرة، أنا بالذات عن إخواتي كان صاحبي جدًا، ولو حصل موقف وحد عاكسني مثلا في الشارع، وسألني عملتي إيه أقوله مرديتش، فيقولي شاطرة لأنك مش عايزة تردي'