تامر هجرس: قاطعت مسلسلات رمضان لأسباب دينية وعايز أبقى بني آدم تاني (فيديو)

تامر هجرس، قال الفنان تامر هجرس:"متابعتش مسلسلات رمضان اللي فات، علشان الشهر ده بالنسبة عبادة ورياضة وعزومات عائلية وقررت إني مروحش أي سحور ومش عايز اسهر وافطر بس مع حبايبي".

 

التزام تامر هجرس الديني

وأضاف خلال لقائه ببرنامج "أسرار النجوم" المذاع علي اذاعة نجوم اف ام:"قررت في شهر رمضان اللى فات إني التزم في العبادة وأداء صلاة التراويح وقراءة القراَن".

غسيل الروح بالعبادة

وأكد تامر هجرس:"الصلاة وقراءة القراَن بالنسبة لي نوع من التأمل والبعد عن الدوشة والزحام في المخ، والتركيز فقط في ربنا وهذا الأمر بيغسل الروح واخرج بني اَدم تاني".

 

قناعة ورضا تامر هجرس

وتابع:"الحمد لله انا مش نفسي في حاجة وانا مكتفى بكل الأشياء ومش طماع عايز يبقى عندي قناعة ورضا والإيمان واقرب لربي دايما وابقى مكتفي ومبسوط وأي اضافة تيجي تبقى خير وبركة من عند الله".

 

في وقت سابق كشف الفنان تامر هجرس عن الإصابة التي تعرض لها وهو في سن صغيرة قائلا: "الناس كانت فكرة أني عملت عملية مؤخرا واتشليت، ولكن اللي حصل أنا وأنا صغير كنت بتسلق الجبال.

 

أزمة تامر هجرس الصحية

وأضاف "تامر" من خلال لقائه مع "فيتو":" فـ أتزحلقت وحتى فيه جلد اتحرق في أيدي ووقعت على العمود الفقري وحصل شرخ وبعد كام سنة الشرخ وصل لأخره والفقرة وقعت على العصب وعملي حاجة فرجلي كنوع من الشلل فمكنتش بعرف أحركها كويس.

و تحدث "هجرس" عن العملية الجراحية التي خضع لها قائلا:" وكان لازم أعمل عملية بسرعة وعملتها في ألمانيا والأطباء رجعوا الفقرة مكانها واستعانوا بالحديد والمسامير وبقيت زي الفل.

كما كشف الفنان تامر هجرس عن سر غيابه عن الساحة الفنية بعد عودته مجددا بمشاركته في فيلم "شوجر دادي".

أسباب غياب تامر هجرس عن السينما

وقال "هجرس" خلال لـ "فيتو":" أنا معرفش أنا غبت ليه.. بس يمكن الناس بتحس بكده علشان معملتش أفلام.. بس أنا بعمل مسلسلات ومتواجد بشكل دائم".

وأضاف:"بحاول أعمل كل سنة حاجة تعمل فرق مع الجمهور ولكن أنا بقالي فترة معملتش أفلام معرفش ليه ؟ يمكن عشان متعرضتش عليا حاجة كويسة كنت محتاج أوافق عليها وموافقتش.. بصراحة أنا رفضت حاجات مكنش ليها أي لازمة ومكنتش هتبقي أي إضافة ليا".