زينة عن دورها في جعفر العمدة: قالوا لي المسلسل كله عندك أختاري الدور اللي يعجبك

تحدثت الفنانة زينة عن دورها في مسلسل جعفر العمدة بطولة الفنان محمد رمضان والمخرج محمد سامي، والذي عرض ضمن مسلسلات الموسم الرمضاني 2023.

وقالت زينة عن دورها في المسلسل وحديث الجمهور عنه، حيث جسدت دور عايدة الزوجة الرابعة لـ جعفر عمدة: البطلة دايمًا بتكون حبيبة البطل، والجمهور عارف أني بعمل أدوار معينة وعمري ما عملت بطولة مع نجم ودايمًا بعمل مسلسلات باسمي.

وأضافت زينة، خلال تصريحات تليفزيونية، هما عرضوا عليا وقالوا لي اختاري اللي أنت عاوزاه ولما قلت لهم خلينا في عمل تاني، قالوا لو في دور عاجبك ممكن نكبر مساحته، والفنان لازم يكون ذكي في اختيارته وأنه يعمل اللي يقدر يكسب به من المسلسل، ودايمًا الناس اللي مخها شغال عارفين هيسكبوا إيه من إيه، هل أنا عاوزة أعمل دور حد من الزملاء لأ أنا كنت محتاجه عايدة الطيبة دلوقتي لأني عملت الشر قبل كده ومش هعمل دلال أكيد لأنها شخصية شريرة وثريا لأن الدور ده كان مكتوب لمي كساب.

وتابعت: حاجة كويسة أني أطلع مع نجم زي محمد رمضان نجاحه مضمون بدور البنت الحلوة اللذيذة الغريبة والمختلفة مفيش غيرها هي اللي مختلف، وممكن السنة الجاية أكون محتاجة حاجة تانية لأن الفنان لازم يكون ذكي حتى لو بتختاري من حاجة مش هترضي غرورك الفني ولا موهبتك فاتحركي في الحتة اللي انت فيها.