عايزة حقي.. فتاة تتهم صناع مسلسل جت سليمة بالسرقة وتتوعد بالملاحقة القانونية

وجهت فتاه تدعى روان أبو خشم رسالة شديدة اللهجة، تتهم فيها صناع مسلسل جت سليمة بطولة الفنانة دنيا سمير غانم، بسرقة فكرتها من رواياتها التي تحمل اسم فاكيت أفريب، والمقرر عرضه في موسم رمضان المقبل 2023.

ونشرت روان أبو خشم، فيديو، عبر حسابها على فيسبوك تتهم فيه صناع العمل بسرقة فكرتها من رواياتها التي حملت اسم فاكيت أفريب، وقالت روان خلال الفيديو: أنا روان أبو خشم صاحبة رواية فاكيت أفريب، أنا روايتي أتسرقت وأتعملت مسلسل في رمضان 2023، ومش العادي أن الأفكار تتسرق مش العادي أن المجهود يتسرق ومش عادي أن طموحاتنا تدفن.

وتابعت: أنا أول ما شوفت المسلسل كل حاجة أسودت في عيني، أكتب تاني أزاي ولا أكتب تاني ليه أصلا، أكتب عشان روايتي تتسرق تاني وتالت ورابع، ومنظري أيه قدام نفسي وقدام أهلي وحاجاتي بتتسرق، وفي الأخر بتقولوا عايزين شباب مبدع ومثقف، فين الشباب المثقف أصلا وهو بيتسرق، مين هيجيب حقي، يعني ندفن نفسنا، حتى الأفكار بتتسرق.

أناشد النائب العام وعايزة حقي

وأردفت: أنا بناشد النائب العام بالفيديو ده، أنا عايزة حقي، أزاي أجيب حقي عشان حتى أظهر قدام نفسي مش ضعيفة، على الأقل أكون جبت ربع التعب اللي تعبته، أنا تعبت فيها كتير جدًا وفي الأخر تتسرق.

وأضافت: هي مش مجرد فكرة أتخدت دا تعب ومجهود وسهر وبحث عشان مطلعش أي حاجة، أحنا بندبح أحياء عشان بس نسعد الناس مستخسرين فينا نسعد نفسنا، أنا بقدم بالفيديو ده بلاغ للنائب العام، أنا عايزه حقي، وهنزل أسكرينات تثبت أن ده حقي وأنا متأكدة أني على حق.

مسلسل جت سليمة

العمل من بطولة الفنانة دنيا سمير غانم، ويشارك فيه مجموعة من الفنانين أبرزهم: محمد سلام، سامي مغاوري، شيرين، محمد ثروت، خالد الصاوي، مايان السيد، وآخرون من الفنانين، والمسلسل من إخراج إسلام خيري، تأليف كريم يوسف وسامح جمال، وسيُعرض على شاشة CBC.

وكانت الفنانة دنيا سمير غانم، نشرت مؤخرًا البوستر الرسمي لمسلسل جت سليمة الذي تشارك به في رمضان 2023، وظهرت دنيا سمير غانم في البوستر الرسمي لمسلسل جت سليمة بشعر كيرلي حاملة كتاب وحولها مجموعة من الكتب، ومن المقرر عرض العمل في النصف الآخر من رمضان 2023.