شاهد كيف أصبحت هيئة ”البنت اللمضة” بفيلم الحفيد
قالت الفنانة ميرفت العايدى وهي “البنت اللمضة الشقية" فى فيلم “الحفيد “ التى قالت لعبد المنعم مدبولى ”بابا انا مش عايزة أولد.. خلى جوزى هو اللى يولد”، أنها دخلت التمثيل بالصدفة، حيث كان لهم جار يعمل فى الاستوديو، مضيفة :" وأنا كنت لمضة أوى وانا صغيرة والناس كلها بتحبنى، فالتحقت للعمل معه في الاستوديو".
وسردت موقفا لها قائلة :" الأستاذ عاطف سالم شافنى وهو كان بيدور وقتها على طفلة تعمل الدور ده وقال لى قولي كده الجملة دي فقولتها، طيب ارقصي فرقصت، فقال لى خلاص هتعملى الدور".
و أضافت ميرفت :"ذهبت إلى الاستوديو علشان آخد على الجو، وقعدت فترة طويلة تقريبا عايشة معاه ليل نهار حضرت معظم مشاهد الفيلم وخروجات وفسح ومشاوير عائلية، كل ده علشان يقدر يحتوينى وأعمله الدور زى ما هو عاوز، وكان عمرى وقتها ٥ سنوات".
وتابعت ميرفت أن أصعب مشهد لها فى التمثيل كان فى مسلسل “إلا الدمعة الحزينة مع الفنان أحمد زكى، وهو مشهد البكاء، مضيفة :” كنت طفلة قاعدة فى الاستوديو بلعب وبهزر فجأة بيقولو لى ادخلى عيطى وعيدنا المشهد ده كتير، وانا بطلت التمثيل فى سن ١٢ سنة لانى لم أستطع التوفيق بين التمثيل والتعليم".
وتابعت:" أيضا من المشاهد الصعبة فى فيلم يا رب توبة مشهد كانت مدام سهير المرشدى بتحط المخدة على وشي واموت، انا رفضت وفضلت تحايلنى وتقولى متخافيش لحد ما عملته".
