ريهام سعيد: اعتزلت الإعلام نهائيا.. ودي أمنيتي الوحيدة

فجرت الإعلامية ريهام سعيد مفاجأة كبرى، فيما يخص مستقبلها المهني، بعد الأزمات المتلاحقة التي واجهتها على مدار السنوات الثلاث الأخيرة.

 

ونشرت ريهام سعيد بيانًا شبه رسمي، ، صباح اليوم الأربعاء، عبر صفحتها الشخصية على موقع تبادل الصور والفيديوهات القصيرة «إنستجرام».

 

أعلنت ريهام سعيد من خلاله اعتزالها العمل بالمجال الإعلامي، مؤكدةً أنها عقدت النية على الاكتفاء بما قدمته على مدار عشرون عامًا، قدمت من خلالها كافة أشكال الدعم والمساندة للمحتاجين.

 

وبررت ريهام سعيد قرارها بأنه تعرضت للكثير من الضغوط على مدار رحلتها الطويلة كإعلامية بدافع الحقد والغيرة من بعض أصحاب النفوس المريضة الذين استكثروا عليها النجاح، ليشنوا حربهم ضدها.

 

وأوضحت أنها قررت الابتعاد عن متاعب الإعلام والعودة لمهنتها الأساسية ومجال دراستها.

 

وكشفت ريهام سعيد عن رغبتها في العودة للتمثيل مرة أخرى، مؤكدة أنها أبلت بلاءًا حسنًا أمام الكاميرات، موضحة أنها ستسعى لمحو الصورة النمطية التي صدرها البعض عنها بأنها "مذيعة عاوز تمثل".

 

ودعت ريهام سعيد المخرجة كاملة أبو ذكري بإسناد أي دور لها مهما كان حجمه، مؤكدة أن العمل معها يمثل قيمة كبيرة في حد ذاته، علاوة على أنه يُعد أحد أمنياتها الشخصية.

ريهام سعيد تبعث برسالة مؤثرة

بدأت ريهام سعيد منشورها: «فكرت كتير قبل ما أكتب البوست ده، أنا اعتزلت التمثيل سنة 2015، لأني حسيت إن صاحب بالين كداب، وإن التمثيل مأثر على مسيرة الخير اللي ابتديتها من سنين طويلة، عشان الوقت والمجهود اللي بعمله، لكن عشقي للتمثيل اللي هو دراستي ومهنتي الأولى قبل الإعلام، رجعت أمثل تاني، وأنا لسه في نظر المخرجين والمنتجين مذيعة عايزه تمثل".

ريهام سعيد: دي الأسباب اللي عطلتني

وأضافت ريهام سعيد: «كنت عارفة إني عشان أخد مكان كممثلة، لازم أسيب الإعلام، زي- مع حفظ الألقاب- "داليا البحيري وبسمة ودينا فؤاد ودينا الشربيني" وغيرهن، بس مكنتش قادرة أسيب رسالتي اللي كانت مهمة أوي وقتها».

ريهام سعيد تكشف الصعوبات التي واجهتها كإعلامية

أكملت ريهام سعيد: «أنا حصلت لي مشاكل كتير من المهنة دي، بتأثير باطل من السوشيال ميديا من منافسين وأعداء، أنا تعبت وحاسة إني قدمت كل اللي ممكن يتقدم، والدولة عامله اللي عليها، ومش محتاجين دور المجتمع المدني في مساعدة الناس، ولكن أنا ليَّ الشرف إني اشتغلت في المهنة العظيمة دي، اللي ليها رسالة سامية وعظيمة، وليَّ الشرف إني كنت إعلاميه في أصعب وقت مر على الإعلاميين أيام حكم الإخوان، والحمد لله كان لينا موقف واضح وما اتغيرش ولا دقيقة».

نص رسالة ريهام سعيد إلى نقيب الممثلين

استطردت ريهام سعيد: «أنا الحمد لله حققت كتير في التمثيل، وكل اللي اشتغلته علِّم مع الناس، واشتغلت أعمال كلها قيِّمة، بس بعد ما جالي السكر وشوية مشاكل تانيه؛ قررت أعمل اللي بحبه، أنا بكل أسف بعلن اعتزالي الإعلام تماما، وهركز كممثلة، وهاطلب من الدكتور أشرف زكي إنه يساعدني إني أغيَّر الفكرة الموجودة في أذهان المخرجين والمنتجين إني مذيعة».

ريهام سعيد: نفسي أشتغل معاكي في أي دور

أكملت ريهام سعيد منشورها: «رسالة للأستاذة كاملة أبو ذكري، ومش مكسوفة، نفسي أوي أمثل معاكي، حتي لو مشهد، ده من أحلامي، خطوة صعبة وفيها ريسك كبير، بس على الأقل أجري ورا حلمي حتى وأنا في السن ده.. جه الوقت إني أستمتع باللي بعمله وبحبه، خصوصا لما يكون في عَصر ولا فيه واسطة ولا محسوبية، اللي هيجتهد هيوصل».

 

واختتمت ريهام سعيد: «ماتسيبوش حِلمُكم مهما فات الوقت، بشكر جمهوري من الأمهات والشباب والأطفال اللي دايما بيدعموني، وحبوا برامجي واتعلموا منها، وبشكر ربنا على 20 سنة، اداني الفرصة فيها إني أقضي حوائج الناس، وأقدم كل ما هو مفيد، فخورة بكل حلقة، وبكل حرف قدمته، 20 سنة تعب وسهر وتصميم على تقديم الحقيقة، أنا آسفة ليكوا، بس التمثيل رسالة برضو، وهو حلمي الأساسي اللي اتأخرت أوي عشان أحققه، يا رب وفقني وساعدني».