حلمي عبد الباقي: رفضت دخول بناتي مجال الغناء لأني فلاح
تحدث المطرب الكبير حلمي عبدالباقي، عن علاقته ببناته الأربع، كاشفًا سبب عدم دخول ابنته الكبرى للغناء رغم امتلاكها الموهبة.
وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: عندي 4 بنات وعايش مدلع خالص ويا بخت اللي عنده بنات وكلهم متعلقين بيا أوي.
وتابع حلمي عبدالباقي، أن أسماء بناته هي دينا وماهيتاب وساندي وباكينام، موضحًا: "أمي الله يرحمها كانت بتقولي يا ابني أنت مسميلنا أسامي هندي ومكنتش تعرف تقول باكينام.
وأوضح حلمي ببرنامج سبوت لايت، أن ابنته دينا الكبيرة تحفظ جميع أغانيه أكثر منه، لافتًا إلى أنها لم تدخل مجال الغناء لأن الموضوع كان صعبًا عليه لأنه فلاح، ولا يتمنى لهم أن يمروا برحلة التعب التي عانى منها في مشواره.
وأضاف: الأخلاقيات دلوقتي مبقتش زي زمان، وأنا الحمد لله البنات واخدين بالهم مني كويس جدا وزوجتي حاجة عظيمة جدا.
تحدث المطرب الكبير حلمي عبدالباقي، عن ذكرياته مع الغناء وبداية مشواره الفني وموقف تعرض له في حياته.
وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: جيلنا كان محظوظًا، ولكن مش محظوظ إعلاميا والمتلقي كان مختلف عن دلوقتي ولما كنا بنعمل أغنية كنا نتوقع أنها رايحة في حتة تانية لان المتلقي سميع للأغاني
واستكمل عبدالباقي ببرنامج سبوت لايت: لما جه العيد القومي لمحافظة الشرقية خلوني أغني في الحفلة دي، ومن ساعتنا اكتشفت اني بغني كويس.
وأضاف حلمي: على مدار حياتي في مواقف كتير لما بفتكرها بضحك، وكنت في كورال الجامعة بغني صولو ومكنتش أعرف يعني إيه موال ومقام، واتعلمت كل ده بالممارسة، ومرة كنت طالع في حفلة تبع الجامعة وكنت بغني للاستاذ محمد العزبي.
وكنت مبسوط جدا وقتها ولما خلصت قولت للأستاذ قطب ايه رأيك؟ فقالي إيه القرف ده عمال تدخل من مقام وتدخل مقام تاني، وكانت نقلة في حياتي وكنت لازم اتعلم واثقف نفسي وبقيت أعرف من الموسيقييين كل حاجة محتاج أعرفها في المزيكا.
